一個”食”字，係大家心目中係乜野黎呢?嗯…只求飽肚定係要求享受?

自己就覺得自己一定屬於後者，自問不是一個食家，亦沒千萬身家食盡天下美食，也沒大長今脷一試便知龍與鳳，就當我是一個嘴刁的人吧。

點為之嘴刁呢?不知從何時開始，無論在那兒食飯，吃到自己覺得不好吃之食物，即絕不舉筷食之。懶理是山珍海味、或只路邊小吃，都有試過被長輩或朋輩責備此乃浪費，但我覺得浪費此食物者乃是煮此食物之人，我金錢已出，何必要弱待自己呢…近日此道理終感染到一直主張不能浪費的父親身上，未知是否好事呢?

自己經濟狀況隨香港經濟狀況時有上落，當然最好時也說不上是很有米，慶幸自己都有試過可到半島high tea，二人晚餐千多二千塊亦面不改容的時間。雖談不上是甚麼風光的事，但也總算嚐過吧。

之前因工作關係，經常出差到不同國家。亦有算真正嚐到各國的地道風味，發覺跟香港吃到不同是正常，但亦發覺完來地道不代表好呢!要講又地道又好食，一定要數在越南時有hkwchat網友may同阿敏帶我去食大排檔啦，其實同係香港食唔係差太遠，只不過係味道會濃D，即係甜會甜D，咸就會咸D，食物顏色都深D喎。越南最流行就係飲青檸梳打，亦是我的最愛，同香港最不同的是，當地係落大大粒砂糖，好似永遠都唔會融化咁，水連糖一齊飲囉，所以越南話就淨係識得叫一杯青檸梳打喇…哈，其餘好食既有成日係山東食既街邊羊肉串、馬來西亞浮羅交怡既奶油蝦(唔同馬六甲果隻)、濃到不得了既肉骨茶、上海既點心、泰國我就最欣賞最平既魚蛋麵加勁多芽菜、糖、胡椒粉及魚露…食配料多個麵…哈哈，日本都有好多好野食，不過真係唔平…因為自己唔食辣既關係，最憎就係韓國喇…I hate Kimchi…

香港叫得做美食天堂，當然有好多好野食啦~云云食過既餐廳之中，總有一兩間值得向大家推介，雖然唔係咩食家之選，不過大家下次食飯時都可以考慮下，先指聲明，唔好食唔好話我，好唔好食好主觀嘛.

1. 近期愛上一間食日式定食餐廳，餐廳五月一日先開張，第一日就”中”左入去食，日本人主理，餐牌唔會有超過廿個選擇，貴精不貴多，最好食係吞拿魚腩蓉飯，賣$68加一，最緊要食晒D飯喎，全餐廳用真正日本新潟米，唔知係乜就唔好去食喇，係銅鑼灣駱克道鵝頸橋消防局對面，地址前身亦是一間好好食的韓國餐廳。

2. 峰壽司，唔駛多介紹，平得黎當真唔太差，可以話超值，搵日去排下隊啦。

3. 大坑道近大一設計學校泰國餐廳，泰國人主理，一句講晒，平靚正。平均消費$40~$80/位

4. 翡翠明珠廣場印尼餐廳，試下燒魚同牛油果shake丫，香港冇幾多地方有牛油果shake賣，當年在耶加達一試難忘，香港唯一已知餐廳有得飲，如大家知道別處有此物請告訴我知。平均消費$100~$180/位

5. 海港城Rice Paper越南餐廳，唯一本人欣賞fusion菜館，rice paper，米紙也，亦即是包越南春捲之皮，環境好，食物不錯，食物不算大貴，一如其名，必試自作業rice paper，尤其推介軟殼蟹。平均消費$100~$150/位

貴野故之然唔會難食，但係唔知點解有好多我覺得又平又靚既餐廳都會結業呢?係咪真係太平太靚所以做唔住?其實我唔介意你貴少少架…