今日百無聊籟…中午去左香港藝術博物館，跟手去左觀塘個新商場”apm”

其實自己住左係觀塘十幾年，不過自從前年搬左之後就好少返去喇，印象中觀塘都係冇咩好行…要行都行晒喇

不過正所謂新XX都有三日香，咁今日姑且就去睇下啦!

嘩..唔去由自可…咁鬼大既?同旺角朗豪坊一樣…同成個地區好唔match既一座建築物幢左係處…

入面重大過朗豪坊，應該有十層吧，有間palace apm戲院係頂樓，叫得做palace…嗯..下次睇下係咪咁靚先

不過有到唔好就係差唔多全部都係大鋪…講真大鋪連鎖店到到都差唔多，又無咩特色咁囉

有樣野就係幾好，就係食喇…1. food court超大，都係city super主理，不過係加大碼囉…2.食店超多及大，唔食food court都重有大把野食…唔駛擔心.

重有見到有兩個靚女著住對蝴蝶翼派傳單，有個成個林志玲咁既樣架!大家去留意下啦…哈

正想走喇，見到有個台好似有野搞咁，又睇下啦

見到原來會個星期六晚都有音樂show睇，今晚有”in love”，”徐繼宗”同”at 17″表演，頭兩個大家有可能唔識啦，其實我都唔係好識，不過”in love”我係上年一個mini live show睇過，唱得幾好架，三個後生，兩男一女，玩unplug，唔錯唔錯.而”徐繼宗”本身係幕後人，近排劉華日日唱”我得你”同Fiona”男孩像你”就係佢作喇，唱得都幾好，不過手結他就先係最正~”at 17″就最多fans喇，不過講真…唱live又唔係好入咪喎…搞到都聽唔清楚….

“3″>有一樣野唔好就係個音響唔係好掂囉，唔好話我有要求，我女友都話唔掂…佢話唔掂就真係好唔掂喇….

下次有機會都會再去行下，間間鋪都收好夜~慢慢行都未遲，一出MTR就見架喇，鬼死咁大座….