上星期六又去了由Now.com.hk主辦的『唱遊音樂農夫』第四站「慶功宴」，美其名為慶功宴，實質都係Live show 一場+食飯。終於都要收錢喇，不過百二蚊一個都OK丫。

地點為何文田豪華大酒樓，唔係好難去o者。嘉賓名單好豐富下喎：高潮樂隊、方大同、V、謝安琪、張繼聰、In Love、重有陳奐仁。

去到見到個壁板貼著『頒獎典禮』，嗯…應該都係搞下笑o者，果然無錯，不過都係一個好Gimmick丫！MC都係由農夫做番，全場由頭踏到尾，辛苦晒喇~

唔係好鍾意講Run Down，不如就講下去左幾次睇農夫既感想啦。有興趣睇農夫，由鐘意香港Hip Hop開始，之前已經講過啦。由農夫出新碟買左開始，發覺值得留意一隊由Underground轉上有宣傳出碟的新進組合，剛巧見到Now.com.hk辦一個『唱遊音樂農夫』Event，不用錢有show睇，立即參加之。有幸得到幸福之神眷顧，第一站五人參加之中有筆者一份，其實也沒甚麼Fans見偶像之分(從小開始都沒甚麼迷偶像之心)，就是有興趣去深入認識這一隊組合。

談興趣談生活，他們也與時下年輕人差不多，談音樂他們也有自己看法、有理想有抱負，也希望他們能成功。聽他們的歌的詞，一直也在進步中，下一隻碟我都會買的，你們放心啦~!

第三第四站反而留意了另一今年樂壇新人謝安琪，一開始聽她的歌都是聽說有個女新人唱歌高八度個Look又神神秘秘，出了新碟後宣傳才開始多，姿色份子有點賣歌藝Feel但由臭男人開始喜歡。唱現場無走音甩咀已比不少歌手好，雖然平時聽電台電視她的聲勢像不及同期新人，但也有不少是最佳新人獎後無以為繼的例子，所以得不得到新人獎也是後話，希望你能在樂壇能創出自己的路。

最後多謝Alex, Maria同Kitty出心出力搞好此Event同埋令我有機會去啦，下次再有機會再見呀。

P.S. 星期六晚當農夫與謝安琪唱出原唱為軟硬及王菲的《別客氣》時同檯年輕人不知是甚麼歌，驚覺甚麼叫Generation Gap