今天剛買了由劉德華投資『亞洲新星導』第一擊，由林子聰(肥仔聰)執導的《得閒飲茶》DVD，六十五蚊。

本應是想到戲院看的，但基於種種原因而錯過了…

回家後當然是立即看啦，看畢後也有些看後感…



封面寫住『乜佬都要睇既 - 溝女大秘笈』『咩女都要睇既 - 撇仔大寶典』當然誇張左啦…但筆者能提供一個『溝女大秘笈』，在文章末跟大家說。

套戲主題在戀與失戀，與以往慣常的電影不同的是本片是由男性角度出發，帶出時下年輕男女的求愛態度。故事情節不便在此多說，但大家都有可能在現實世界中看過，因為這也是導演身邊朋友的真實故事。看罷此片，有不少人應會說『依？咁似呀邊個邊個既？』，請留意當中有沒有人邊看邊沒說話，他很有可能是…..老實說，筆者也曾認識過這樣的女仔與笨笨的男仔呢…

主角方面，方力申與Viann的組合跟林子聰導演一樣令人覺得新鮮，演員陣容中令人驚喜的還有林家棟與陳國坤(小龍)，當中尤其欣賞林家棟的演出，一名似是而非的智者的確演得出色。

片中有不少金句，值得令人想一想：

例如當中Viann跟Alex說『我鍾意的都唔鍾意我﹗』Alex回應道『其實你只係鍾意一D你得唔到的男人，到你得到手了，你又會唔鍾意佢』

『拖下手又男朋友，食下飯又男朋友，通街都係男朋友啦，咁我咪好唔得閒？唔好咁幼稚啦﹗』

『夠竟你地鍾意一D對你好，但係唔識講野既好男人，定係鐘意一D好識講野既壞男人呢？』

溝女大秘笈開估 - (請highlight下行文字)

一個字『錢』