果然又有好多日無寫~~哈哈!!

講番先~上個星期日做左件好有益身心既活動，同女友去左大嶼山睇大佛~wow~

當全世界人黎香港都話要睇大佛(係掛)，身為香港人唔去睇點得呀~!

重有重有前個星期開幕左果個”心經碑林”都要睇埋!

咁大個人除左搭飛機第二次去大嶼山旅行(第一次係中五果年)，第一次自己搭車，廿幾蚊…駛唔駛呀…

之前好反對擴闊大嶼山山路…不過發覺真係好危險喎…完全係跑Rally咁..不過換左係大巴

坐左成四十幾分鐘先到，立即…..坐低食碗山水豆腐花先好鬼熱呀

食飽飽入廟睇下..因為我倆都係天主教徒…無拜拜…睇下都好丫

幾ok丫..不過可能我自己去過無數咁多大型廟宇…覺得香港依個真係細到爆…

去完廟挑戰大佛(條樓梯)喇~無想像中咁高喎，起碼少過上耶穌山好多

到此一遊feel囉，同埋唔知點解個巴士站成日都好似叫last班車既…係咪d人早d走可以早收工呢?

正當唔記得左個碑林之時，因為諗住去洗手間而見到路牌(又係細到爆，又話用左幾百萬)…

決定行埋啦，行左十分鐘左右就到喇，就係上鳳凰山個牌果到

嗯…一look look木豎晒係處…寫晒經文係到，見到幾個拍友係到影野

下次我地都可以考慮下喎

不過要好小心先得，因為上面冇路喎，又超斜…

知道咩叫上山容易下山難