好多野要寫呀….分開幾日寫先…

尋日(7月24日)去了睇Live Show。主題是《唱遊音樂農夫》第三站，由now.com.hk主辦，之前都講過去過第一站《唱遊MV》，今次又去睇Live。

農夫當然係主角啦，但嘉賓名單非常豐富，有謝安琪、Soler、V、方大同加埋張繼聰，全程企死人+熱死人，但係好好Feel。

講完背景資料就講當日所見所聞啦，個Show八點開始七點十左右到，見到門口排晒隊，嚇死我，好在我係一早留左位，唔駛排隊果隻。

發覺『Fan屎』真係有樣睇既，基本上見排頭位十幾個女仔都…係『Fan屎』咁樣囉，即係點樣？打個比喻如果有拖拍唔會咁得閒咁既樣囉，重有讀書如果有背歌詞咁熟就發達喇…

入場冇劃位又入先，緊係霸返個大堂前啦，就企正正個表演台中間前面，真係伸半隻手就到果隻，正！

話得係《唱遊音樂農夫》，農夫就當然要出場先啦，唱左兩首歌後就到今年女新人謝安琪，細細粒似上年鄭融，唔知而家係咪興細粒好聲呢？好聲就真係幾好聲，起碼唱Live幾好，基本把聲起碼要入咪，已經好過好多人喇，唱臭男人重有農夫伴舞添。第一個高潮位。

跟住就係樂隊V，說穿了之前真的未聽過，三位年輕小伙子睇個樣幾ABC囉，三支結他兩支咪，都係一個通病…把聲唔夠入咪，不過彈得唔差，聽得都幾舒服。重Jam左首Give Love A Break，係呀，係容祖兒果首呀，原來係農夫寫既喎，之前都唔知添！

V之後就到好受歡迎既Soler喇，真係唔抵得，又真係幾靚仔又大隻喎，全場女士尖叫，真係唔抵得。好在我有一樣野一定好過佢，就係講廣東話喇….哈哈，唱左首失魂又Jam左一首歌又落台喇。

Soler走左陸永同C君表演跳舞喎，重第一次見陸永除帽除眼鏡，一句講晒，都係唔除好D…跳下跳下，方大同就出黎喇，又說穿又係真係唔知邊個，瘦瘦的還更ABC Feel，都係唱左一首歌。

其實我唔知點解張繼聰咁受歡迎，嗯…唱得都幾好既…靚仔？OK啦…算啦，都唔關我事，佢唱左我唯一識既Mad you so，跟住比較有意外既就係Jam左首士多啤梨蘋果橙+女人魅，幾有趣。

唱完想走？冇咁易，重有Encore呢！唱了一首新歌，忽然唔記得歌名添…哈哈

P.S. 唔記得帶相機…一大憾事，不過8月6日還有得玩，到時再影過。

聽日講書展~!!