回應了下文說此開場白老套到打冷震，被回問一句『咁你有冇D唔老套架？請o黎聽下。』筆者立即”R”爆頭，怎麼也想不出何謂唔老套的開場白，老套不老套也好，也發表一下想出來的搭訕開場白。(先旨聲明，如果你試用以下開場白而又不成功的話，不要怪筆者。)

  • 巴士站 :
    唔好意思，請問你有無散紙？(摷緊散紙時…)成日都見你係依個時間係到搭巴士喎，我叫 XXX，都係住係附近之嘛，不如做個朋友丫…
  • 圖書館/書店 :
    你睇緊依本書我都睇過，幾好睇架喎。同一個作者岩岩出左本新書喎….
  • 相熟咖啡店/食店 :
    成日都見你一個人黎食飯/飲野既？係附近返工/住？
  • 隨時 :
    你個樣好面善喎，我係咪係邊到見過你…(老套到爆…哈)
    有冇人同你講過你個樣好似XXX….

都諗唔到有幾多喇…其實筆者都不是那種隨時可在街搭訕識女仔的人，以上的都只是憑空想像的。不過筆者倒是給人搭訕過，記得中學時期補習時(X代教育)，有一個女仔每次都特登坐我隔離而且跟我搭訕呢…不過筆者始終都沒給電話她…理由？不用開估吧….哈哈~~~

原文 — 小O — 2005-12-23 09:37:55

其實聖誕節是搭訕的好時機，一句Merry Christmas是很受的搭訕開場白。試想想如果不是聖誕節，要和陌生人搭訕，要說一句怎樣的開場白才不至於即時把對方嚇走？ 曾經在報章讀過關於搭訕開場白的文章，很有趣，以下是眾多例子中的其中一個： 「小姐，你沒有跌傷吧？」對方感到疑惑。「從這麼高掉下來都沒有受傷，真是一個奇蹟。沒有人告訴你，你的樣子像天使嗎？」如果對方笑。「你笑起來的樣子更像天使了。」