旅途上 2005年05月30日
經過上個星期大佛遊之後，發覺大嶼山並不是遙不可及，見上個星期日冇落雨，就實行計劃中既大澳遊喇!
坐車去到東涌站，轉11號大嶼山巴士，車費比上個星期去大佛還要平…
坐了差不多一小時rally旅程…(比上星期還要快)…終於見到”歡迎來到大澳”喇~!
一落車發覺骨頭都散埋…睇睇地圖開始起行….去買燒魷魚干食先…
一路上見到賣咸魚蝦干鋪頭多，應該睇野先~唔買唔睇住…
行行行…去到侯王廟…依..close左?…發覺自己太晏喇…下次要早d起身
打消左什麼什麼文化遊，完全依自己直覺周圍行(亂行)，睇下香港最有特色的漁村
水腳屋就大把喇，都係鐵皮屋多，好睇D就係有特色…嗯…其實環境都唔係咁好喎，同埋都危險啦
差不多到端午節喇，見到好多龍舟都在翻新中，整得幾靚呀，到時一定會好熱鬧!
見到居民都以公公婆婆為主，老化問題都幾嚴重喎，不過有到好就係人人都好nice，係香港好少見喇，除左老人家之外，最多都係貓貓狗狗喇…
<---唔知望咩
坐低諗住又食豆腐花啦，不過阿婆話豆腐花未凍，咁轉食左涼粉喇，叫左個西瓜涼粉…見佢即刻拎左個西瓜入廚房切，嘩…好新鮮o者…
食飽行飽走人，臨走前去買D手信啦，買左一樽蝦醬同埋去左一間金舖….買燒魷魚干+蝦干…你地無睇錯，係”金舖”…有相為正，幾好食，下次再去買過
回程又係rally之旅…..
(0)
